Palak ka use isse badhiya kuch nahi ho sakta, bohot hi healthy recipe hai. Ye ek one-pot meal hai jo tab banayi jaa sakti hai jab zyada kuch karne ka mann na ho. Ye recipe bacchon se lekar bado tak sabko pasand aayegi. Isko maine dahi, pyaaz, papad, aur chatni ke saath khaya, to bohot hi swaadisht lagi. Aaiye dekhte hain isko kaise banayenge:
Ek pressure cooker lenge, isme ek tablespoon ghee daalenge, fir jeera daalenge, thodi si hing daalenge. Char-pinch lasan ki kaliyan kat ke daal dena (agar lasan khate ho to). Ek mirch cut karke daal li aur ek pyaaz ko chopper me kat ke daal diya. Isko halka sa bhoonenge jab tak pyaaz halka pink na ho jaye.
Roughly cut karke do tamatar bhi daal diye. Saath me maine palak bhi daal rahi hoon. Maine ek punch guchha palak ko acche se dhokar kat liya tha aur isko bhi daal diya. Palak ko kuch seconds tak bhoonenge. Phir maine bhigo rakhe the dal aur chawal – green wali dal aur chawal ka portion maine barabar liya hai (aap dal thoda zyada bhi le sakte hain).
Ab masale add karenge: aadhi chammach haldi powder, bahut zara si laal mirch, aur thoda sa dhaniya powder daalenge. Pura khichdi ke hisaab se ek chammach namak daal diya aur thoda aur namak adjust kiya. Hamare dal aur chawal kareeban ek glass ke barabar the, to utna paani adjust karenge.
Ab masala achhi tarah bhoon gaya to bhige hue dal aur chawal daal diye. Kareeban aadhe ghante ke liye dal aur chawal ko bhigo ke rakha tha. Is tarike se isse healthy khichdi ban hi nahi sakti. Palak ke saath banake dekhna, maine bhi pehli baar banayi aur sabko bohot tasty lagi.
Ab jitne dal chawal hain uska dugna paani daalenge. Agar ek glass dal aur chawal hai to do glass paani daalenge, aur measurement ekdum perfect rahega. Agar patli khichdi chahiye to thoda zyada paani daal sakte hain.
Pressure cooker ka dhakkan laga ke high flame pe do whistle lenge, phir 2-3 minute slow flame pe rakhenge. Gas band karke thanda hone ke baad kholenge. Ekdum perfect dal chawal aur palak ke saath healthy food tayar hai.
Na roti banane ka jhanjhat, aur sardiyon me is tarah ki one-pot meal perfect hai. Banane me asaan, aur nutritional value se bharpoor. Isko halke ghee ke saath serve karein, aur pyaaz, chatni, papad aur dahi ke saath khana bohot hi tasty lagega.
Maine pehli baar palak ke saath banaya aur sabko ghar me pasand aaya. Aap bhi try karke batana kaisi lagi ye recipe. Thank you friends, milte hain naye video ke saath!